بنتعلم من الاطفال

بنوته صغيرة ....كانت بتصلى قبل ما تنام زى كل يوم وزى ما تعلمت فى مدارس الأحد قدام صورة حبيبها يسوع
يا بابا يسوع انا بشكرك على الحاجات الحلوة اللى انتى بتديهانى ..... متخلنيش انام وانا خايفة ..... وحافظ على بابا وماما وخلى بالك منهم ..... ومن أخويا الصغير ومن أختى الكبيرة .... و لو سمحت
يا رب خلى بالك من نفسك وختمت البنوته صلاتها
أسمح لى يا رب أنى أتعلم من البنت دى واصلى زيها واقول ......
ياترى يارب فيه حاجة مضايقاك ؟؟؟ انت عامل ايه ؟؟؟؟ أخبارك ايه ؟؟ عملت ايه لما جرحتك بخطاياى
طب بالليل بتدايق لما بنام واسيبك لوحدك سهران تحرسنى ؟؟؟؟
أكيد بتدايق وانا سهران قدام التليفزيون أو بكلم حد وسايبك ؟؟
بتاخد بالك من نفسك ولا ناسى نفسك فى انشغالك بينا ؟؟؟
انا دايما بقولك خلى بالك من فلان وفلان وفلان و.....
وحافظ على وعلى شغلى وحياتى
اسمح لى أقولك من قلبى
((أرجوك يا رب خلى بالك من نفسك ))
صلوا لاجلى كتير

"ان لم ترجعوا وتصيروا مثل الاولاد
فلن تدخلوا ملكوت السموات"
(مت3:18)