!!!!!!!!!!!!!!!!!!!!!!!!!!!!!!

كل يوم أدفع تمن
تملى أعيش حزين
وكنيستى على مر الزمن
شعبها مستضعفين
وفى نار الفتن
أدفع التمن بالسنين
ولكل جاهل عاملى عالم
يتاجر بكلام الدين
يحرض ويتأمر
على دمى ودم المسيحيين
واللى يطلع يزايد
قال أيد واحده مش أيدين
يا وطنى يا ظالم
يا معلمنى الأنين
كترت المظالم
وصبحنا محرومين
والصوت بيعلى ومعاه الرصاص
قاصد أخويا وأختى المغلوبين
ودمى فى أرضك
يجرى مع النيل
وعرضى فى بلدى
يستبيحو المدعيين
وقاعدة صلح فى النهايه
قال وحدة مصريين
لا مش قادر أكمل
ورافض أعيش مستكين
من أنهارده حقى كبير
مش هسكت ولا هنعيش مجبريين
ودم أخواتى وأبويا وأجدادى
لازمله تمن
وتعيش ياوطن ليا مدين
أوعاك تفكر انى ضعيف
أو حتى مسكين وهزيل
أنا عارف إلهى ومعلمنى
كلامه فى الأنجيل
علمنى أحب وأغفر وأسامح
علمنى أزاى أكون أمين
قالى مكانك مش هنا
مكانك عندى أنا
وسط السمائيين
والى يهينك ويستضعفك
قولوا مسامحين
عشان أتصرف انا
وكونوا تملى واثقين
على كف أيدى انا
أساميكم منقوشين
أطردوا الخوف من قلوبكم
وبكنسيتكوا تملى متمسكين
معايا تكونوا للأبد
فى الفرح عايشين

وبرضو الكلام مش بتاعي
وبرضو منقول