ما تفاصلـــش.!
صفحة 1 من اصل 1
ما تفاصلـــش.!
ما تفاصلـــش.!
ربنا وزع الأرزاق. .محدش عاجبه رزقه !..
و وزع العقول ..و كل واحد عاجبه عقله !!
كنت قاعد باجمع و اطرح ..باحسب و باعد ..ايه ده !! ..تقولش فلوس اليومين دول مركبة (جناحات ) ! ..و لا حالفة ما تبات في البيت ! ..حاجة تجنن !!!...
كنت مشغول أوي ..باجيبها يمين و شمال !
هاينفع اشتري الفيللا اللي في المكان الفلاني !
و لا استثمر الفلوس أحسن في المشروع العلاني !
و لا ياواد تحط عنيك علي عربية آخر موديل !..يعني هو اللي هيركبها أحسن منك ؟!..و تشيل الباقي علي جنب !..الواحد برضه مش ضامن الظروف و الاقتصاد العالمي مش راسيلة علي بر !
طبعا ذهن شخص زي حالاتي كده ..زحمة و دوشة ..ما يقدرش يسمع حاجة جايالة من عند ربنا !..و يسمع ليه ؟!...هو مش فاضي لربنا ..و مش محتاج لربنا !..
معاه فلوس و محتار يتمتع بيها ازاي !
العجيب بقي .....!!!!
ان ربنا لما بيعوز يوصل رسالة لحد ..ما بيغلبش !..بيعرف ازاي يوصلهاله !..و اللي كنت سادد وداني و مش عايز اسمعه و أنا صاحي ..قالهولي و أنا نايم !
نمت . .و خير اللهم اجعله خير ..حلمت ب
الأرملة المسكينة التي ألقت هناك فلسين.(قرشين ) في الخزانة (صندوق التبرعات ) ( لو21 : 2 )
سألتها : انتي واخدة بالك انك دفعتي كل اللي عندك؟!!..طب كنتي تدفعي فلس و تشيلي التاني !..كنتي تخليه علي جنب ..محدش ضامن الظروف !
ردت علي بعتاب رقيق و قالت لي : "..لأ يا حبيبي ..فيه حد ضامن لي الظروف !
عايز تقلق ..اقلق علي حوت ناسي يساعد ربنا و ناسي يساعد الغير !..لكن ماتقلقش أبدا علي بساريا (أصغر أنواع السمك )في ايد القدير …."
ربنا بيقول في (ملاخي 3 : 10 )
هاتوا جميع العشور إلى الخزنة ليكون في بيتي طعام و جربونــــي بهذا قال رب الجنود. إن كنت لا افتح لكم كوى السماوات و أفيض عليكم بركة حتى لا توسع.
قاطعتها و قلت لها :" يا نهار مش فايت !..هو قال "هاتوا ..؟" يبقي هياخدهم !!..هياخدهم !!. .فأحسن لي أدفعهم بمزاجي ..بدل ما أدفع أضعافهم عند المحامي أو الدكتور ..أو ياخدهم الغراب و يطير !..
ابتسمت و قالت لي .:" .كلامك ده ما نقدرش نعممه ..لأن احنا مش بندفع تبرعات علشان ربنا يحوش عننا البلاوي !..و لأن ممكن الشخص يكون بيساهم في أعمال خيرية كتير ..و برضه يتعرض لخسارة !..لكن وقتها (سرير المرض ) ..أو (الغرامة)اللي بيدفعها تكون لأجل امتحان ايمانه .أو لحكمة ما يعرفهاش غير ربنا !!...ده غير ان ابليس دايما بيقول لربنا …..
(هو انت فاكر ان فلان ده بيعبدك "لله في لله "؟..و لا علشان بيحبك بجد ؟..أبـــدا !
" هل مجانا يتقي أيوب الله. أليس انك سيجت حوله و حول بيته و حول كل ما له من كل ناحية باركت اعمال يديه فانتشرت مواشيه في الأرض". (أيوب 1: 9 & 10 )
ده لو بس اتحرم من حاجة ..هاتسمع منه البرطمة اللي هي !
" فانه في وجهك يجدف عليك " ( أيوب 1 : 11 ) )
ربنا مش بيدينا الرزق بايده اليمين ..و عايز ياخده مننا بايده الشمال !...لأ طبعا !..لأن بينا أو من غيرنا ..ربنا بيسد احتياجات الشخص المحتاج اللي بيمر بضيقة مالية
طب ربنا ليه قال" هاتوا" ..مادام بينا أو من غيرنا هو بيسد الاحتياجات دي ؟!
: أنا فعلا سألت السؤال ده لربنا ..
و لقيت انه قال "هاتــوا " علشان سببين :
علشان ربنا عايزنا نتعلم نحس ببعض ..
تخيل كده انك كنت مكان الشخص المحتاج مساعدة ..هل هتكون سعيد لما تلاقي اللي حواليك مقسيين قلوبهم عليك؟!!
"كما تريدون أن يفعل الناس بكم ..هكذا افعلوا انتم أيضا بهم هكذا "(لوقا 6: 31 )
علشان ربنا عايز ان أولاده يكونوا شبهه ...
"فكونوا رحماء كما ان اباكم ايضا رحيم." ( لوقا 6 : 36 )
و عايز ان ايدينا دايما تبقي بتاكلنا علي العطاء
"متذكرين كلمات الرب يسوع انه قال مغبوط (محبب )هو العطاء اكثر من الاخذ. " (أعمال الرسل 20 : 35 )
و مش بس عايزنا نتعلم ندي ..لكن الأهم اننا نتعلم طريقته هو في العطاء ...
يعني و لا ندي بالقطارة ..و لا ندي بطريقة تجرح مشاعر الشخص اللي بنديله !
الله الذي يعطي الجميع بسخاء و لا يعير ( يعقوب 1 : 5 )
و ماتشيلش هم لأن ربنا قبل ما بيقول (هات ) ..بيكون اداك ..يعني بيكون رزقك برزق الشخص اللي هو عايزك تساعده !
صحيح ربنا عايزنا ندّي ..لكن في نفس الوقت مش عايزنا ندي و خلاص ..لأن ربنا يهمه جدا السبب و الدافع اللي ورا الكواليس !
ياتري أنا بَدّْي ليه ؟؟
هل انا بدي ..لأني باعمل خطايا كتيرة و اقول لروحي (أهي دي تشيل دي !) ..؟؟؟
ناس " لهم صورة التقوى و لكنهم منكرون قوته " (تيموثاوس الثانية 3 : 5 )
و لا أنا بدي علشان تبقي صورتي حلوة ؟!!., يتقال عني رجل بر و تقوي ؟!
احترزوا (احترسوا )من ان تصنعوا صدقتكم قدام الناس لكي ينظروكم و الا فليس لكم اجر عند ابيكم الذي في السماوات.(متي 6 :1 )
و لا أنا بدي علشان لما احتاج حاجة من ربنا أقول له :" شفت أنا شاطر ازاي ؟!..و شفت انا بدفع للفقرا أد ايه ؟!..يللا بقي زي ما راضيتك ..راضيني " ؟!!!!!!!!
احسنوا و اقرضوا و انتم لا ترجون شيئا فيكون اجركم عظيما ( بوقا 6 : 35 )
و لا أنا بدي ..علشان عايز أحسس الشخص اللي أنا باديله اني أحسن منه !
و لا أنا بدي .. من باب تنفيذ أمر مفروض علي الكل !..أو من باب الخوف من عقوبة عدم تنفيذه !!..
لكن أنا بدي علشان عطائي ده هيفرح قلب أبويا السماوي !..و لأن حب العطاء أصبح جزء مني ..
و اللي يؤكد ان الموضوع مش موضوع دفع فلوس و خلاص ..انه مكتوب
و جلس يسوع تجاه الخزانة و نظر كيف يلقي الجمع نحاسا في الخزانة (مرقس 12 : 41 )
و اخد بالك من كلمة" كيف " دي ؟
يعني هو شايف اللي بيدفع من باب المنظرة قدام الناس !
" لانهم احبوا مجد الناس اكثر من مجد الله." (يوحنا 12 : 43 )
و شايف كمان اللي بيقول له :
" لان منك الجميع و من يدك اعطيناك. " (أخبار اليوم 29 : 14 )
و شايف اللي فاكر أنه بيبقشش علي ربنا !
" لأن هؤلاء من فضلتهم ألقوا في قرابين الله " ( لوقا 21 : 4 )
و حتي في الخفاء ..شايف اللي بيدفع رشوة علشان يمشي أموره ..و يسكت ضميره بنها مساعدة للغلابة !
لقيتها داست علي الوتر الحساس !..
فقلت لها :" أصل أنتي مش في السوق زيي !..و مش فاهمة البيزنس !..لو أنا ما دفعتش عشان أمشي مصالحي ..غيري هايدفع و يمشي أموره ..و هايخطف الصفقة !
قالت لي " لا فهلوتك و لا حداقتك هي اللي بتأكلك عيش !"
ها قول لك علي حاجة ..لو فهمتها ..هترتاح أوي ..
لو ربنا عايز يبعتلك خير ( رزق أو ترقية أو ....) لو كل الشياطين اللي في العالم و كل الأشرار اللي حواليك حاولوا يمنعوا وصول الخير ده ليك ...مش هيقدروا !
و لو ربنا مش عايز يبعتلك الخير ده .. لو وقفت علي رموش عينيك علشان تاخده مـش هاتقـــدر !
صدقني ..اللي فاكر نفسه شاطر ..هايتشطر علي مين ..؟؟!!
" الله لا يشمخ عليه " (غلاطية 6 : 7 )
هتلاقيه صوَّت و صرخ و قال :" يا ناس ..يا هوووه !.الفلوس كتير لكن ما فيهاش بركة! "
لأن مافيش حاجة بتمنع الاناس من انهم يعملوا الغلط لو صمموا يعملوه ...انما مش بيقدروا يتمتعوا بيه !!..
لو القرش جالي من يد غيرك ..ما يلزمنيش
و لو لقمة يابسة من يدك أنت ..تكفيني أعيش
و لا تسمح يارب باني أنحـني لسواك ..و لا يوم أسمي حب المال : أكل عيــــش
دي مش دعوة للتراخي و الكسل !...بالعكس ....
" العامل بيد رخوة يفتقر ..أما يد المجتهدين فتغني "( أمثال 10 : 4 )
لكن دي دعوة للعمل بهدوء ..و باطمئنان ..أصل نايبك في ايد أبوك !..مش في ايد حد تاني
( فان كنتم و انتم اشرار تعرفون ان تعطوا اولادكم عطايا جيدة فكم بالحري ابوكم الذي في السماوات يهب خيرات للذين يسالونه) .(متي 7 : 11 )
احسبها صح يا بتاع البيزنس ...
+ أنت ممكن يكون عندك أكل للمعدة ..لكن ما يكونش عندك معدة للأكل
+ ممكن يكون عندك في بنوك سويسرحساب بيتفتح ب (بصمة الصوت ) .لكن ما يكونش عندك صوت علشان تفتح بيه الحساب ....
+ ممكن يكون عندك خيرات للسنين ..لكن ما يكونش عندك سنين للخيرات
+ ممكن يكون عندك بركات للحياة ..لكن مايكونش عندك حياة للبركات ..
(رجل اعطاه الله غنى و مالا و كرامة و لم يعطه الله استطاعة على ان ياكل منه ) (جامعة 2 : 6 )
(فيتركه نصيبا لانسان لم يتعب فيه .و من يعلم هل يكون حكيما او جاهلا )(جامعة 2 : 19 , 21 )
ايه ها يقدملك مالك ....لو ربك الليلة نادالــك
يا مسافر وحدك قوللي .... ايه هو رأسمالــــك ؟
* روح المقابر ..تلقي الأكابر ..ويا الأصاغر ..الكل مسافر ..و أنت هتسافر !!....
(الغني و الفقير يتلاقيـــــــــــان ) (أمثال 22 : 2 )
مافيش حد أحسن من حد !
- مولود المرأة.. " كما خرج من بطن امه عريانا يرجع ذاهبا كما جاء و لا ياخذ شيئا من تعبه فيذهب به في يده.) (جامعة 5 : 15 )
("يرجع التراب الى الارض كما كان و ترجع الروح الى الله الذي اعطاها).(جامعة 12 : 7 )
هاتموت علي الدنيا ليه ؟!!!..هتاخد منها ايه ؟!!..ده بالكتير علي قبرك شوية ورد !
انت سيد العارفين ان الكفن مالوش جيوب .....
لاننا لم ندخل العالم بشيء و واضح اننا لا نقدر ان نخرج منه بشيء.(تيموثاوس الأولي 6 : 7 )
ربنا وزع الأرزاق. .محدش عاجبه رزقه !..
و وزع العقول ..و كل واحد عاجبه عقله !!
كنت قاعد باجمع و اطرح ..باحسب و باعد ..ايه ده !! ..تقولش فلوس اليومين دول مركبة (جناحات ) ! ..و لا حالفة ما تبات في البيت ! ..حاجة تجنن !!!...
كنت مشغول أوي ..باجيبها يمين و شمال !
هاينفع اشتري الفيللا اللي في المكان الفلاني !
و لا استثمر الفلوس أحسن في المشروع العلاني !
و لا ياواد تحط عنيك علي عربية آخر موديل !..يعني هو اللي هيركبها أحسن منك ؟!..و تشيل الباقي علي جنب !..الواحد برضه مش ضامن الظروف و الاقتصاد العالمي مش راسيلة علي بر !
طبعا ذهن شخص زي حالاتي كده ..زحمة و دوشة ..ما يقدرش يسمع حاجة جايالة من عند ربنا !..و يسمع ليه ؟!...هو مش فاضي لربنا ..و مش محتاج لربنا !..
معاه فلوس و محتار يتمتع بيها ازاي !
العجيب بقي .....!!!!
ان ربنا لما بيعوز يوصل رسالة لحد ..ما بيغلبش !..بيعرف ازاي يوصلهاله !..و اللي كنت سادد وداني و مش عايز اسمعه و أنا صاحي ..قالهولي و أنا نايم !
نمت . .و خير اللهم اجعله خير ..حلمت ب
الأرملة المسكينة التي ألقت هناك فلسين.(قرشين ) في الخزانة (صندوق التبرعات ) ( لو21 : 2 )
سألتها : انتي واخدة بالك انك دفعتي كل اللي عندك؟!!..طب كنتي تدفعي فلس و تشيلي التاني !..كنتي تخليه علي جنب ..محدش ضامن الظروف !
ردت علي بعتاب رقيق و قالت لي : "..لأ يا حبيبي ..فيه حد ضامن لي الظروف !
عايز تقلق ..اقلق علي حوت ناسي يساعد ربنا و ناسي يساعد الغير !..لكن ماتقلقش أبدا علي بساريا (أصغر أنواع السمك )في ايد القدير …."
ربنا بيقول في (ملاخي 3 : 10 )
هاتوا جميع العشور إلى الخزنة ليكون في بيتي طعام و جربونــــي بهذا قال رب الجنود. إن كنت لا افتح لكم كوى السماوات و أفيض عليكم بركة حتى لا توسع.
قاطعتها و قلت لها :" يا نهار مش فايت !..هو قال "هاتوا ..؟" يبقي هياخدهم !!..هياخدهم !!. .فأحسن لي أدفعهم بمزاجي ..بدل ما أدفع أضعافهم عند المحامي أو الدكتور ..أو ياخدهم الغراب و يطير !..
ابتسمت و قالت لي .:" .كلامك ده ما نقدرش نعممه ..لأن احنا مش بندفع تبرعات علشان ربنا يحوش عننا البلاوي !..و لأن ممكن الشخص يكون بيساهم في أعمال خيرية كتير ..و برضه يتعرض لخسارة !..لكن وقتها (سرير المرض ) ..أو (الغرامة)اللي بيدفعها تكون لأجل امتحان ايمانه .أو لحكمة ما يعرفهاش غير ربنا !!...ده غير ان ابليس دايما بيقول لربنا …..
(هو انت فاكر ان فلان ده بيعبدك "لله في لله "؟..و لا علشان بيحبك بجد ؟..أبـــدا !
" هل مجانا يتقي أيوب الله. أليس انك سيجت حوله و حول بيته و حول كل ما له من كل ناحية باركت اعمال يديه فانتشرت مواشيه في الأرض". (أيوب 1: 9 & 10 )
ده لو بس اتحرم من حاجة ..هاتسمع منه البرطمة اللي هي !
" فانه في وجهك يجدف عليك " ( أيوب 1 : 11 ) )
ربنا مش بيدينا الرزق بايده اليمين ..و عايز ياخده مننا بايده الشمال !...لأ طبعا !..لأن بينا أو من غيرنا ..ربنا بيسد احتياجات الشخص المحتاج اللي بيمر بضيقة مالية
طب ربنا ليه قال" هاتوا" ..مادام بينا أو من غيرنا هو بيسد الاحتياجات دي ؟!
: أنا فعلا سألت السؤال ده لربنا ..
و لقيت انه قال "هاتــوا " علشان سببين :
علشان ربنا عايزنا نتعلم نحس ببعض ..
تخيل كده انك كنت مكان الشخص المحتاج مساعدة ..هل هتكون سعيد لما تلاقي اللي حواليك مقسيين قلوبهم عليك؟!!
"كما تريدون أن يفعل الناس بكم ..هكذا افعلوا انتم أيضا بهم هكذا "(لوقا 6: 31 )
علشان ربنا عايز ان أولاده يكونوا شبهه ...
"فكونوا رحماء كما ان اباكم ايضا رحيم." ( لوقا 6 : 36 )
و عايز ان ايدينا دايما تبقي بتاكلنا علي العطاء
"متذكرين كلمات الرب يسوع انه قال مغبوط (محبب )هو العطاء اكثر من الاخذ. " (أعمال الرسل 20 : 35 )
و مش بس عايزنا نتعلم ندي ..لكن الأهم اننا نتعلم طريقته هو في العطاء ...
يعني و لا ندي بالقطارة ..و لا ندي بطريقة تجرح مشاعر الشخص اللي بنديله !
الله الذي يعطي الجميع بسخاء و لا يعير ( يعقوب 1 : 5 )
و ماتشيلش هم لأن ربنا قبل ما بيقول (هات ) ..بيكون اداك ..يعني بيكون رزقك برزق الشخص اللي هو عايزك تساعده !
صحيح ربنا عايزنا ندّي ..لكن في نفس الوقت مش عايزنا ندي و خلاص ..لأن ربنا يهمه جدا السبب و الدافع اللي ورا الكواليس !
ياتري أنا بَدّْي ليه ؟؟
هل انا بدي ..لأني باعمل خطايا كتيرة و اقول لروحي (أهي دي تشيل دي !) ..؟؟؟
ناس " لهم صورة التقوى و لكنهم منكرون قوته " (تيموثاوس الثانية 3 : 5 )
و لا أنا بدي علشان تبقي صورتي حلوة ؟!!., يتقال عني رجل بر و تقوي ؟!
احترزوا (احترسوا )من ان تصنعوا صدقتكم قدام الناس لكي ينظروكم و الا فليس لكم اجر عند ابيكم الذي في السماوات.(متي 6 :1 )
و لا أنا بدي علشان لما احتاج حاجة من ربنا أقول له :" شفت أنا شاطر ازاي ؟!..و شفت انا بدفع للفقرا أد ايه ؟!..يللا بقي زي ما راضيتك ..راضيني " ؟!!!!!!!!
احسنوا و اقرضوا و انتم لا ترجون شيئا فيكون اجركم عظيما ( بوقا 6 : 35 )
و لا أنا بدي ..علشان عايز أحسس الشخص اللي أنا باديله اني أحسن منه !
و لا أنا بدي .. من باب تنفيذ أمر مفروض علي الكل !..أو من باب الخوف من عقوبة عدم تنفيذه !!..
لكن أنا بدي علشان عطائي ده هيفرح قلب أبويا السماوي !..و لأن حب العطاء أصبح جزء مني ..
و اللي يؤكد ان الموضوع مش موضوع دفع فلوس و خلاص ..انه مكتوب
و جلس يسوع تجاه الخزانة و نظر كيف يلقي الجمع نحاسا في الخزانة (مرقس 12 : 41 )
و اخد بالك من كلمة" كيف " دي ؟
يعني هو شايف اللي بيدفع من باب المنظرة قدام الناس !
" لانهم احبوا مجد الناس اكثر من مجد الله." (يوحنا 12 : 43 )
و شايف كمان اللي بيقول له :
" لان منك الجميع و من يدك اعطيناك. " (أخبار اليوم 29 : 14 )
و شايف اللي فاكر أنه بيبقشش علي ربنا !
" لأن هؤلاء من فضلتهم ألقوا في قرابين الله " ( لوقا 21 : 4 )
و حتي في الخفاء ..شايف اللي بيدفع رشوة علشان يمشي أموره ..و يسكت ضميره بنها مساعدة للغلابة !
لقيتها داست علي الوتر الحساس !..
فقلت لها :" أصل أنتي مش في السوق زيي !..و مش فاهمة البيزنس !..لو أنا ما دفعتش عشان أمشي مصالحي ..غيري هايدفع و يمشي أموره ..و هايخطف الصفقة !
قالت لي " لا فهلوتك و لا حداقتك هي اللي بتأكلك عيش !"
ها قول لك علي حاجة ..لو فهمتها ..هترتاح أوي ..
لو ربنا عايز يبعتلك خير ( رزق أو ترقية أو ....) لو كل الشياطين اللي في العالم و كل الأشرار اللي حواليك حاولوا يمنعوا وصول الخير ده ليك ...مش هيقدروا !
و لو ربنا مش عايز يبعتلك الخير ده .. لو وقفت علي رموش عينيك علشان تاخده مـش هاتقـــدر !
صدقني ..اللي فاكر نفسه شاطر ..هايتشطر علي مين ..؟؟!!
" الله لا يشمخ عليه " (غلاطية 6 : 7 )
هتلاقيه صوَّت و صرخ و قال :" يا ناس ..يا هوووه !.الفلوس كتير لكن ما فيهاش بركة! "
لأن مافيش حاجة بتمنع الاناس من انهم يعملوا الغلط لو صمموا يعملوه ...انما مش بيقدروا يتمتعوا بيه !!..
لو القرش جالي من يد غيرك ..ما يلزمنيش
و لو لقمة يابسة من يدك أنت ..تكفيني أعيش
و لا تسمح يارب باني أنحـني لسواك ..و لا يوم أسمي حب المال : أكل عيــــش
دي مش دعوة للتراخي و الكسل !...بالعكس ....
" العامل بيد رخوة يفتقر ..أما يد المجتهدين فتغني "( أمثال 10 : 4 )
لكن دي دعوة للعمل بهدوء ..و باطمئنان ..أصل نايبك في ايد أبوك !..مش في ايد حد تاني
( فان كنتم و انتم اشرار تعرفون ان تعطوا اولادكم عطايا جيدة فكم بالحري ابوكم الذي في السماوات يهب خيرات للذين يسالونه) .(متي 7 : 11 )
احسبها صح يا بتاع البيزنس ...
+ أنت ممكن يكون عندك أكل للمعدة ..لكن ما يكونش عندك معدة للأكل
+ ممكن يكون عندك في بنوك سويسرحساب بيتفتح ب (بصمة الصوت ) .لكن ما يكونش عندك صوت علشان تفتح بيه الحساب ....
+ ممكن يكون عندك خيرات للسنين ..لكن ما يكونش عندك سنين للخيرات
+ ممكن يكون عندك بركات للحياة ..لكن مايكونش عندك حياة للبركات ..
(رجل اعطاه الله غنى و مالا و كرامة و لم يعطه الله استطاعة على ان ياكل منه ) (جامعة 2 : 6 )
(فيتركه نصيبا لانسان لم يتعب فيه .و من يعلم هل يكون حكيما او جاهلا )(جامعة 2 : 19 , 21 )
ايه ها يقدملك مالك ....لو ربك الليلة نادالــك
يا مسافر وحدك قوللي .... ايه هو رأسمالــــك ؟
* روح المقابر ..تلقي الأكابر ..ويا الأصاغر ..الكل مسافر ..و أنت هتسافر !!....
(الغني و الفقير يتلاقيـــــــــــان ) (أمثال 22 : 2 )
مافيش حد أحسن من حد !
- مولود المرأة.. " كما خرج من بطن امه عريانا يرجع ذاهبا كما جاء و لا ياخذ شيئا من تعبه فيذهب به في يده.) (جامعة 5 : 15 )
("يرجع التراب الى الارض كما كان و ترجع الروح الى الله الذي اعطاها).(جامعة 12 : 7 )
هاتموت علي الدنيا ليه ؟!!!..هتاخد منها ايه ؟!!..ده بالكتير علي قبرك شوية ورد !
انت سيد العارفين ان الكفن مالوش جيوب .....
لاننا لم ندخل العالم بشيء و واضح اننا لا نقدر ان نخرج منه بشيء.(تيموثاوس الأولي 6 : 7 )
Jesus daughter- مشـرفــــه
- عدد المساهمات : 867
تاريخ التسجيل : 05/03/2011
العمر : 30
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأربعاء نوفمبر 07, 2012 11:55 pm من طرف naderegyptair
» ترنيمة يا يسوع تعبان
الخميس مارس 15, 2012 8:56 am من طرف زهرة المسيح
» هااااااااااااااااااام جدااااااااااااااااااااااااااااا
الجمعة مارس 09, 2012 7:17 pm من طرف البابا كيرلس
» جسد القديس العظيم ماسربل
الجمعة مارس 09, 2012 7:12 pm من طرف البابا كيرلس
» يسوع باعت رساله لاولاده النهارده
الجمعة مارس 09, 2012 6:59 pm من طرف البابا كيرلس
» ارجو الصلاه من اجل البابا
الجمعة مارس 09, 2012 6:50 pm من طرف البابا كيرلس
» لماذا اختار المسيح ان يموت مصلوبا
الجمعة مارس 09, 2012 6:41 pm من طرف البابا كيرلس
» هل يوجد حلال وحرام فى المسيحية
الأربعاء مارس 07, 2012 8:06 pm من طرف البابا كيرلس
» عارفة يعني إيه إحنا أصحاب ؟
السبت فبراير 25, 2012 8:51 pm من طرف Admin