ماذا يقول الكتاب المقدس ؟؟

ماذا يقول الكتاب المقدس ؟؟

الشاب : أزيك يا عمى ؟ أنا بصراحة جاي علشان أطلب منك أيد بنتك .

الوالد : أهلا بيك يا أبنى وربنا يعمل اللي فيه الخير - لكن أنت عندك كام سنة

وايه اخبار الشقة ؟؟

الشاب : يا عمي ده الكتاب بيقول فى ( مز 127 : 1 )

( ان لم يبن الرب البيت فباطلا يتعب البناوؤن )

الوالد : طيب يا أبني بالنسبة للشبكة ؟؟

الشاب : يا عمي ده الكتاب بيقول فى ( متى 6 : 19 )

( لا تكنزوا لكم كنوزا فى الارض بل اكنزوا لكم كنوزا فى السماء )

الوالد : طيب يا أبني بالنسبة للمرتب ؟؟ يعنى حتأكلها منين ؟؟

الشاب : يا عمى ده الكتاب بيقول فى ( لوقا 4 : 4 )

( ليس بالخبز وحده يحيا الانسان )

الوالد : لا .. لا .. لا يا أبنى أنت كده عداك العيب - بس الكتاب بيقول برضه فى

( 1 كو 7 : 38 )

( من تزوج يفعل حسن ومن لا يتزوج يفعل أحسن )